ايدي عاخدي

Hits: 84

الكاتب والشاعر الأستاذ حسين الزّين

ايدي عاخدي وعالسما كوعي
تا تعرفي روحي اسئلي شموعي
قديش دابوا الليل عاولوعي
الصورة قبالي وطيفك الفتّان
وبالكاد قادر أحبس دموعي
يا أجمل من الورد والألوان
يامنغنشي الطيّات بضلوعي
طيفك قبالي يا شهد عطشان
وعم زقمو الأهات من جوعي
لوما . تكوني …. للشعر ما كان
الهام عم يدفق بينبوعي
انتي لعمري نغنشة نيسان
وفصل الختام بكل موضوعي
عشتي أمل بخاطري ولهان
فيه القلق عم يمنع هجوعي
بغفى وبوعى عاحلم هيمان
وانتي بقلبي حب عم توعي
يا دايبة مع صفوة الوجدان
حبي الك بالصدق موسوعي
كل مارسمتك بحلى القصدان
بتشرد فكاري خلف طي الكون
وإيدي ع اخدّي وعالسما كوعي

محمّد أحمد الزّين
About محمّد أحمد الزّين 177 Articles
محمّد أحمد الزّين لبناني الجذور الهوية والإنتماء، ناشط إجتماعي وسياسي، كاتب ومحلل سياسي، يؤمن بعروبة لبنان وبأنّه وطن نهائي لجميع أبنائه، الطوائف فيه نعمة والطائفية خطر عليه، وبثلاثية الجيش والشعب والمقاومة لحماية لبنان، يؤمن بعدالة الإنسان التي من أجله كانت الأديان.

قم بكتابة اول تعليق

اترك تعليق

لن يتم نشر بريدك الالكتروني في العلن.


*